منتدي بحر الكلمات للشعر والأدب \\ كلمات الشاعر الأنيق : وحيد محروس

( لما تغيب )
لما تغيب ياحبيبي عني بتبقي الدنيا ف بعدك مرار 
وافتكر كل إللي بينا من لقا وشوق انتظار 
والاقي روحي بتناديك 
ويزيد حنيني ألمس إيديك 
وإن بعادك طال يومين
كأنك سايبني من سنين
ويبقي الفكر شارد وسارح
والسهر في عيوني جارح
وتاخدني فكرة وتجيبني فكرة
وأقول لنفسي هيجي بكرة
وبكرة يجي وإنت بعيد
ويزيد لهيبي من جديد
وأعيش انيني مع الآهات
ويرجع شريط الذكريات
وأسأل نفسي ياترى
هشوفه ولا حلم وفات
وبصبر قلبي باماني
وأقول مش ممكن ينساني
أنا كنت ليه غنوة جميلة
وهو إللي بيعزف ألحاني
لما تغيب ياحبيبي
بقلمي / الشاعر وحيد محروس