منتدي بحر الكلمات للشعر والادب \\ انشر البسمة _ كلمات : يحيي عايد عباس

لم يضحك والدنيا تبتسم. كتبه:يحيى عايد عباس
يا أخي اعفو عني واصفح وسلمح
لنظرات المحبة والخير فيك كنت لامح
يا أخي سامح باينة عليك الملامح
وإن كان في حد غلط في حقك سامح
متقطعش نفسك ففي قلب ليك وجوارح
يا أخي سامح متعدش كدة زعلان مقموص
الخلايا تقطع بعضها وتكسر بيتك الوحيد من بوص
يا أخي متعدش كدة زعلان متعدش كدة مقموص
يا عم إغرق في أحلامك عوم وغوص
متوقفش الدنيا علي حد بصلك
في حتة لقمة أو قموص
أصل أنا مش هعرف أحكي بأشعاري او النصوص
فالسماح الطريق الوحيد لأمة الينيان المرصوص
يا أخي متخليكش كدة زعلان متخليكش كدة مقموص
يا عم اضحك وابتسم خليك فريش فريش
متبصش لأخطاء التانيين
وأخطائك كتيرة عايزة تتنضف بدش
خليك بشوش مبتسم لاحسن وشك يكش
خليك زي العصفورة كدة قمورة
ورزقها بيجيلها لوحدها جوا عش
يجي منين معرفش
متقولش من السماء متقولش من الأرض
متفشرش متخرفش
رزقها بيجيلها من عند رب العالمين
علشان كانت مبسوطة علي طول تقول ءامين وءامين
فانا عمري ماخسر وربنا هو المعين
يا أخي اضحك وابتسم
قابل الناس وش وش
وصارحهم بشعورك
واوعاك تغش تغش
إبني بيت أحلامك من قصب وحبة قش
متعدش طول النهار عامل لنا صداع ووش
متقولش الناس كلوا حقي
وانتا جوا بيتك بتاكل أكل حش
إرضا باللي ربنا قسمهولك فغيرك مش لاقي لقمة
وانتا عمال تاكل كل كل اتفش
خليك قنوع مترشش الطمع علي أكلك رش
لما الطمع يتكلم دشيت الكلام دش
فانا مش حاسس ولا انتا حاسس
فمحدش فينا لغاية دلوقتي الجنة أو النار خش
ميعدش الشيطان يوشوش في ودانك وش
يا أخي متتكلمش كلام ملوش لازمة
لاحسن تتضرب علي راسك بشبشب وحتة جزمة
بيا أخي ابتسم بقي متخليكش كدة مقموص
انشر المحبة بين الناس وعن المشاكل حوش
خليك مبتسم بشوش
إرسم بسمة علي الوشوش
انشر البسمة مفتاح السعادة وخليك وردة جوا الحوش
كتبه:يحيى عايد عباس