منتدي بحر الكلمات للشعر والأدب \\ نص الابداع &امى ياغاليه& بقلم الشاعر.ة\\ راوية حسن

لما اقول يامه
قلبك ضمنى ضمه
كان بيخاف كتير عليه
كان بيحضنى بحنيه
انا فاكره يامه لما
كنت اغلط اى غلطه
كنتى تيجى وتقوليلى
لاء ياقلبى عشان بكره
تعرفى لما تكبرى
ان ده حبى ليكى
انه كان خوف عليكى
انتى طول عمرك بتدى
عمرك مافكرتى تاخدى
انا واخواتى فى حضنك
وابويا كمان وكل اهلك
طول عمرك قلبك كبير
بيتك كان لينا جنه
كان على طول بيجمعنا
ولا اكلك لينا يامه
كنتى تعمليه بالمحبه
ربيتينى انا واخواتى
ياما سهرتى كتير عشانا
ربيتى كمان ولادنا
صوتك لسه جوه قلبى
وصورتك لسه فى عنيه
غبتى عنى ليه ياغاليه
غابت الفرحه من عنيه
نفسى اقلك ليه بعدتى
بس ده شئ غصب عنك
مش بخاطرك ولاخاطرى
اتتى اديتى رسالتك
وصتينى على اختى
وكمان وصيتى اخويا
انه يخلى باله منى
انه مايجيش يوم يهنى
يفتكر ابويا وانتى
يااللى كنتى لينا جنه
من بعدك مايوم اتهنى 

نفسى اقلك امى ياغاليه
قلبى محتاج منك ضمه
وعنيه دورت عليكى
فى كل الوشوش يامه
///////////////////////
راوية حسن
########