منتدي شهد الحروف الادبي &&( يا دنيا ليه ) && بقلم / الشاعر وحيد محروس

( يا دنيا ليه ) 
يادنيا ليه معاندانى 
أنا شارب المر وساكت 
همومك جوايا ومحوطانى 
ودموعى في عيونى ماتت ***
شايل حمولى على اكتافى 
وكل يوم تتقل وتزيد 
بعافر فيكى وأقول هتخافى 
ويوم عن يوم النار بتقيد ***
بحايل فيكى بقالى سنين 
يمكن أشوف لحظة حنان 
كل منايا اعيشلى يومين 
ويرجع فرحى زي زمان ***
فيكى البشر لقمة طرية 
والطيب فيكى يروح ببلاش 
وفيكى ناس صعبة ردية 
القسوة في قلوبهم مابتسبهاش ***
وناس معدومة لدين وضمير 
بتشتري وتبيع في كل ضعيف 
وتقفل بايديها طاقة الخير 
وتستخسر فيه حتى الرغيف ***
لأ متى يادنيا هاعيش مظلوم 
وفرحى مخاصمنى ومجافينى 
قالوا مفيش حال بيدوم 
وكفاية بقى دمع ياعينى ***
ياعالم بحالى إنت القيوم 
من الدنيا قادر تحميينى 
يادنيا ليه 
بقلمي / الشاعر وحيد محروس