منتدي شهد الحروف الادبي && أغنية : خاصم && قلم الشاعر : السيد عطيه ** البورسعيدى **

أغنية : خاصم 
**** ******

خاصم وأبعد وإنساني 
وخد معاك فرحتي 
بعد ماكان قلبك يهواني 
رسملي هجر ف سكتي 

مش هترجى فيك واللا اقولك 
كل عذابي وسهدي وصلك 
لو قلبك بيحس يدلك 
ويقولك ارجع علشاني 
خاصم وأبعد وإنساني 

لو بتحب عذابي وناري 
ياما عذبت وكنت بداري 
كنت تبيع واقولك شاري 
تعمل ايه لو كنت مكاني 
خاصم وأبعد وإنساني 

لو زيك حال العاشقين 
ظلم وهجر وقلب حزين 
نحلف من يومها ما رايحين 
واللا جايين واعيش وحداني 
خاصم وابعد وإنساني 

بقلمي : السيد عطيه 
** البورسعيدى **