منتدي شهد الحروف الادبي *&* أغنية : كان ليه *&*بقلم الشاعر المبدع : السيد عطيه ** البورسعيدى **

أغنية : كان ليه 
**** *******

كان ليه م الأول تشغلني 
وتصورلي الحب حنان 
و ف عز الفرح مابيشيلني
بينزلني الحب مكان

كل اللي فيه تايهين تايهين
ولما نسأل احنا فين
بدمع يردوا مش عارفين
طب مين ع البر يوصلني
كان ليه م الأول تشغلني

روحنا نسلم قلبنا ليه
قلنا الجنه فيه و حواليه
طرح الشوك قبل مانرويه
ضلل غدر أوام زعلني
كان ليه م الأول تشغلني

صدقنا وليه أهي مره
وياصبح ياريت تيجي بكره
تاخدني م الحب دا بره
واستاهل لو يوم حصلني
كان ليه م الأول تشغلني