منتدي شهد الحروف الأدبي *&* ( باشوفك فى أحلامي )*&* كلمات الشاعر // الشاعر وحيد محروس

( باشوفك فى أحلامي )
أنا باشوفك فى أحلامي 
وكأنك واقفة قدامي 
بتحلي سنيني وايامي 
ونبقى للعاشقين عنوان 
واوصف جمالك واتغزل
يافرحة عمري وغرامي
أنا باشوفك فى أحلامي
وكأنك واقفة قدامي
ياسلام على شعرك الحالك
دا سواده بيزيد في جمالك
مفرود زي خيوط الليل
وكأنه مخلوق علشانك
ياسرني واعزف ألحاني
أنا باشوفك فى أحلامي
وكأنك واقفة قدامي
إسمي مكتوب على جبينك
ما أنا نصيبك وحبيبك
ونظرة عيونك الجارحة
ورموشك ع الجفون سارحة
والفرحة بايتة على خدودك
ومشاعرك بالغرام طارحة
اقطفها بحبي وهيامي
أنا باشوفك فى أحلامي
وكأنك واقفة قدامي
عايز أوصف الشفايف
وابوح بكلام بسي خايف
زي الفراولة أو الكريز
وأنا مسميها قطايف
ولا أسنانك اللولي
في الضحكة تملي ينادوني
وكأنك للجنة وخداني
أنا باشوفك فى أحلامي
وكأنك واقفة قدامي
وأحلى حاجة فيكي طباعك
وبايديكي تغزلي افراحك
وتفوحي بعبيرك وحنانك
وغناوي تكفي كل الكون
وأنا أسف لو قصرت القول
وكلامي على قد علامي
أنا باشوفك فى أحلامي
وكأنك واقفة قدامي
بقلمي / الشاعر وحيد محروس