♥امنيات بين الخيال والواقع ♥ *( (كان ذكرى) )* كلمات الشاعر المبدع *( #حسن سايكو )*

قصيدة (كان ذكرى)
بقلمي/ حسن سايكو
شايف الحياة في عنيكي فكرة
وجه بكرة
بقى ذكرى
وعشت حياتي على فكرة
إني أرجع ألاقيكي فكراني
وألاقي قلبي من تاني
وأقولك انتي وحشاني
قابلت الكلمة قدامي
مش فاكرة
استنى عليا كدة شوية 
يمكن أفتكر بكرة
يمكن ألاقي في عنيا
دمعة حزن أو ذكرى
ولا أقولك من دلوقتي
مش فاكرة
سنين سيبتني في حزني
ومسافر
وجتلي قلتلي بكرة
وهاجرك زاد على قلبي
وانام في الدمع منكسرة
وأستنى بدموع العين
وأيامي عديتها سنين
وجاي تقولي وحشتيني
فانا بقولك مش فاكرة
ولا أضيع سنين تاني
ولا أنتظر بكرة
ولا حتى سنين عمري تضيع
عشان فكرة
وبقولك من دلوقتي
حبك ليا كان ذكرى
#حسن سايكو